មាន​អ្វី​ថ្មី​​ក្នុង​ម៉ាស៊ីន​គិត​លេខ​Windows 7?

មាន​មនុស្ស​ជា​ច្រើន​កំពុង​ប្រើប្រាស់​ Windows 7 ប៉ុន្តែ​ក៏​មាន​មនុស្ស​មួយ​ចំនួន​មិន​ទាន់​បាន​ប្រើ​ប្រាស់​វា​ឲ្យ​អស់​ លទ្ធភាព​នៅ​ឡើយ។ ថ្ងៃ​នេះ​ Sabay សូម​លើក​យក​គន្លឹះ​ថ្មី​មួយ​ ដែល​មាន​ស្រាប់​ក្នុង​ Windows 7 នោះ​គឺ​ម៉ាស៊ីន​គិតលេខ​របស់​វា។

តើ ​មាន​អ្វី​ថ្មី​ខ្លះ​នៅ​ក្នុង​ម៉ាស៊ីន​គិត​លេខ​នេះ? មិត្ត​អ្នក​អាន​ទាំង​អស់​គ្នា​ចង់​ដឹង​អត់? Sabay គិត​ថា​អ្នក​ប្រើ​ Windows 7 ទូទៅ​មិន​ទាន់​បាន​ដឹង​ពី​ចំណុច​ពិសេស​នេះ​នៅ​ឡើយ​​ទេ។ ខាង​ក្រោម​នេះ​ គឺ​ជា​លក្ខណៈ​ពិសេស​ៗ​ដែល​មាន​នៅ​ក្នុង​ម៉ាស៊ីន​គិត​លេខ​របស់ Windows 7៖
១-Standard : នេះ​ជា​អ្វី​ដែល​យើង​តែង​តែ​ប្រើ​ជា​ទូទៅ​ ដោយ​មាន​រូបមន្ត​សាមញ្ញ​ៗ។
២-Scientific: អាច​ឲ្យ​អ្នក​គណនា​បាន​កាន់​តែ​ស៊ី​ជម្រៅ​ដូចជា ស៊ីន, កូស, និង តង់សង់​​ជាដើម។
៣-Programmer: អាច​ឲ្យ​អ្នក​គណនា​ដោយ​ប្រើ​រូបមន្ត​ទាក់​ទង​នឹង computer programming។
៤-Statistics: សម្រាប់​គណនា​ទិន្នន័យ​បែប​ស្ថិតិ​វិទ្យា។
៥-Unit Conversion: សម្រាប់​បម្លែង​ទិន្នន័យ​ពី​ខ្នាត​មួយ​ ទៅ​ខ្នាត​មួយ​ដូចជា​ចម្ងាយ​ ចំណុះ​ជាដើម។
៦-Date Conversion: សម្រាប់​គណនា​ចំនួន​ថ្ងៃ ពី​កាល​បរិច្ឆេទ​មួយ​ទៅ​កាល​បរិច្ឆេទ​មួយ។
៧-Worksheets: ផ្តល់​ឲ្យ​អ្នក​នៅ​ជម្រើស​ថ្មី​ៗ​ចំនួន ៤ ផ្សេង​ទៀត។
ជម្រើស​ទាំង​អស់​នេះ អាច​រក​បាន​នៅ​ពេល​អ្នក​ចុច​លើ View របស់​ម៉ាស៊ីន​គិត​លេខ។

____________________________
អត្ថបទ៖ ខឹម បូរិន